Busturialdeko
Eskualdea Mundakako Itsasadarraren inguruan kokatua dago, Urdaibaiko
Biosfera Erreserbaren barruan. Dunez, itsasoz eta mendiz osatutako
paisaia konplexua da nagusi, eta hegazti migratzaileentzat eta, oro
har, faunarentzat bizitoki egonkor edo urte-sasoiko geraleku ezin hobea
izaten da.Ziurrenik, Euskal Autonomia Erkidego osoan, paisaiaren eta ekologiaren arloko aniztasun-mailarik handienetakoa eta baloratuenetakoa du ingurune natural horrek.
Basoetatik
eta ibaietatik abiatuta, paduratik igaro, eta kostako itsaslabarretaraino
eta hondartzetaraino iritsita, Busturialdeko Eskualdea Bizkaiko harribitxi
naturaletako bat da. Toki horretan, askotariko paisaiak legendekin eta abenturekin
uztartzen dira, bidaiariek eta bertakoek bat egiten duten paradisu magiko
bihurtuta.
Bisitariak hamaika aukera ditu landa-eremuko eta itsasoko herrigune txikietan,
gastronomiaren, kulturaren eta naturaren arloko eskaintza aho zabalik geratzeko
modukoa baita.
